«Միքայելյան» համալսարանական հիվանդանոցի Անոթային վիրաբուժության կլինիկա հաճախ են դիմում զարկերակային համակարգի հիվանդություններով: Այս շարքում առաջինը զարկերակային թրոմբոզներն են: Անոթային վիրաբույժ Քնարիկ Բադալյանը նշում է, որ զարկերակային թրոմբոզների հիմնական պատճառը խցանող աթերոսկլերոզն է, որի ժամանակ զարկերակի լուսանցքը խցանվում է թրոմբային մասայով: Քանի որ զարկերակները օրգանները սնուցող անոթներն են, այդ պատճառով անոթի խցանումը բերում է օրգանի կամ վերջույթի իշեմիայի, ինչն էլ իր հերթին կարող է պատճառ հանդիսանալ տվյալ օրգանի կամ վերջույթի կորստի:

1. Զարկերակային թրոմբոզները կարող են առաջանալ ինչպես խոշոր, այնպես էլ մանր և միջին տրամաչափի անոթներում, և կախված խցանված անոթի տրամաչափից և տեղակայումից ունենում են համապատասխան կլինիկական դրսևորում:

2. Կլինիկորեն դրսևորվում է վերջույթներում`

1.Հանկարծակի առաջացող սուր ցավեր

2.Սառնություն

3.Թմրածություն

4.Զգացողության խանգարումներ

5.Շարժումների սահմանափակում

6.Գունատություն, մաշկի «մարմարանման» գունավորում:

Խորհուրդ է տրվում հետևյալ նշանների դեպքում հնարավորինս վաղ դիմել բժշկի և չզբաղվել ինքնաբուժությամբ, քանի որ բուժման արդյունավետությունը կախված է վաղ դիմելիությունից:

3. Բուժում`

1. Վիրահատական

2. Դեղորայքային (պահպանողական):

4. Աշխարհում զարկերակային թրոմբոզներից մահացությունը հասնում է մոտ 35%-ի, իսկ անդամահատումը 40% ից ավելի է: